Afrim Lata, plispunuesi i vetëm në Pejë

Në çarshinë e vjetër të Pejës, ku të radhitura janë lokalet në të cilat ushtrohen zanate të ndryshme, zë vend edhe dyqani me plisa i Afrim Latës.

Hapësira e vogël i shërben edhe si punëtori e edhe si dyqan, nëse dikush ndalet e kërkon t’i shohë plisat e punuar nga ai.

Të rrallë janë klientët e edhe më të rrallë janë plispunuesit në Pejë, madje me kalimin e kohës, Lata ka mbetur i vetmi në zonën zejtare.

Që në vegjëli punimin e plisave e mësoi nga babai i tij dhe ka mbi 50 vjet që nuk u ndal së punuari asnjëherë.

Kur puna bëhet në ekip edhe procesi shkon më shpejt, tregon ai.

Edhe SOT 8 gus 2025 “Me zemër për diasporën” sjell tradicionalen në shesh

Tash që plisat i punon i vetëm, duke marrë parasysh 16 hapat deri te produkti final përfundojnë më ngadalë.

Interesimi shumë vogël për këtë zanat e shqetëson Latën.

Një prej mundësive për të mos e lënë të zhduket e sheh intervenimin e institucioneve dhe stimulimin e zanatlinjve të rinj.

Sfidë në vete është edhe sigurimi i tregut.

Derisa dikur plisat e punuar nga ai i kalonin edhe kufijtë e Kosovës, tash kalojnë ditë e nuk e shet qoftë edhe një.

Edhe SOT 11 tet 2024 Këpucëtar dhe alpinist, Ferat Topalli, që 40 vjet riparon këpucë

Megjithatë, nga ana e Drenicës i dërgon plisat në ditë të tregut ku ka mundësi të bëjë pazar.

Përpos faktit që e ka pjesë të pandashme të jetës këtë zanat, edhe fakti që plisi është ndër simbolet më të rëndësishme kombëtare e bën të tregojë se do të punojë deri në ditët e fundit të jetës.