Shefki Miftari është njëri ndër bujqit më të dalluar të fshatit Xërxë, i cili tokën e tij me sipërfaqe prej 2 hektarësh e punon nga mëngjesi deri në mbrëmje.
Nga të mbjellat e tij veçanti kanë pjepri dhe bostani, të cilat i shet në tregjet publike, por tregon se ka konsumatorë të rregullt, të cilët vjelin e blejnë në arat e tij.
Ai punën e bujqësisë e trashëgoi nga i ati, ndërsa tani ka rreth 50 vjet përvojë në bujqësi.
Ndonëse janë rritur çmimet nga të gjithë sektorët, Miftari ka vendosur që çmimin e pjeprave dhe të bostanit, por dhe të produkteve të tjera të mos e ndryshojë për konsumatorët.
Bujqësia është burim financiar për familjen Miftari. Kryefamiljari thotë se është i kënaqur me tregun vendor.
Pjeprin, me shumicë, në treg ai e shet nga 50 centë për kilogram, derisa bostanin nga 23 centë. Brenda sezonit ai mbledh 20 tone pjepër dhe 80 tonë bostan.
© KOHA. Të gjitha të drejtat janë të rezervuara.
