Që e vogël, Hana Beiqi mezi e priste kohën kur do ta vizitonte pishinën.
Nuk kaloi shumë qëkur e vërejti se – përpos që është një formë argëtuese për ta kaluar kohën – nuk i mungon talenti që ta ketë edhe profesion.
Tash ajo i ka 12 vjet, e që nga mosha 7-vjeçare noti ishte pjesë e pandashme e jetës së saj.
Me kalimin e viteve filloi të ushtrojë më intensivisht.
Tashmë 2 orë për 6 ditë të javës, Hana është në pishinë duke ushtruar.
Edhe
Hana Beiqi, notarja me synime drejt të artave për Kosovën
E kjo po tregon rezultat në zhvillimin e mëtutjeshëm të saj në sportin e notit.
Duke qenë një sport që kërkon përqendrim e vendosmëri, të dyja këto tipare nuk i mungojnë personalitetit të saj – thotë trajneri Granit Morina.
Numri i kupave e medaljeve që ajo ka fituar duke qenë pjesëmarrëse në gara është i madh, mirëpo ajo e ka synim që koleksionit t’ia shtojë edhe një të tillë nga lojërat Olimpike.
Arritjet e saj deri tani i rrisin gjasat, sipas trajnerit, që Hana të jetë garuese në Olimpiadë.
Edhe pse, thotë ai, për një moshë kaq të re mund të jetë edhe presion.
Edhe
Hana, garuesja më e re e Kosovës në olimpiadë
Lidhja e saj e ngushtë me këtë sport vërehet edhe kur i liston notarët e saj të preferuar, sukseset e të cilëve i përcjell çdoherë.
Për 2 orë gjatë një ushtrimi rreth 2000 kalori humben, e të ushqyerit shëndetshëm dhe me kujdes është pjesë e rëndësishme e arritjeve të saj.
