Shtojca për Kulturë

Petrit Halilaj në Britani i flet së ardhmes me shenjat e luftës në Kosovë

Petrit Halilaj në “Very volcanic over this green feather” e hapur të shtunën, 16 tetor, në muzeun britanik, “Tate St Ives” (Foto: Kirstin Prisk)

Artisti Petrit Halilaj nuk e mohon entuziazmin për ekspozitën e tij në Britani të Madhe. Ka edhe një arsye shtesë për këtë: ekspozita vjen si deshifrim i shikimit të 38 vizatimeve të realizuara kur ishte 13-vjeçar, refugjat në kampin e Kukësit. Një ekspozitë që vë në pah emocionet e një fëmije e që përjeton shpërnguljen me forcë nga shtëpia, dhunën dhe diskriminim. Në atë kohë, arti i shërbente si terapi dhe udhëzimet i merrte nga psikologu Giacomo Poli, të cilin të gjithë e quanin Angelo. Një njeri shumë i dashur për artistin kosovar pasi, siç thotë ai, italiani që tani ka dalë në pension pati ndikim të madh në jetën e artistit dhe ishte mbështetës i madh i zgjedhjes së tij për ta ndjekur rrugën e artit.

 

Pikënisje janë 38 vizatime që i kishte realizuar si refugjat në kampin e Kukësit më 1999. Aty bëheshin bashkë kujtime skenash të llahtarshme e peizazhe përrallore. Realiteti e imagjinata përplaseshin keqas. Tash, Petrit Halilaj, njëri prej artistëve më të shquar shqiptarë, u kthehet atyre shenjave tek i deshifron në ekspozitën e tij personale, “Shumë vullkanik mbi këtë pendë të gjelbër”, e hapur në “Tate St Ives” në Angli. “Unë jam përpjekur të gjej një gjuhë që lidh elementin biografik dhe historinë lokale të Kosovës me kujtesën kolektive të popullit tonë, dhe gjithashtu me kujtesën kolektive të konflikteve në shkallë globale”, ka thënë Halilaj për KOHËN

Artisti Petrit Halilaj nuk e mohon entuziazmin për ekspozitën e tij në Britani të Madhe. Ka edhe një arsye shtesë për këtë: ekspozita vjen si deshifrim i shikimit të 38 vizatimeve të realizuara kur ishte 13-vjeçar, refugjat në kampin e Kukësit. Një ekspozitë që vë në pah emocionet e një fëmije e që përjeton shpërnguljen me forcë nga shtëpia, dhunën dhe diskriminim. Në atë kohë, arti i shërbente si terapi dhe udhëzimet i merrte nga psikologu Giacomo Poli, të cilin të gjithë e quanin Angelo. Një njeri shumë i dashur për artistin kosovar pasi, siç thotë ai, italiani që tani ka dalë në pension pati ndikim të madh në jetën e artistit dhe ishte mbështetës i madh i zgjedhjes së tij për ta ndjekur rrugën e artit.

Përjetimi personal si nxitje