Shtojca për Kulturë

Muzeu i New Yorkut ia kthen Nigerisë tri vepra të artit afrikan

“Warrior Chief” (në foto) dhe “Junior Court Official”, i ishin dhuruar “Metropolitan Museum of Art” (Met) në New York, më 1991
 

Duke pasuar lëvizjet e fundit të muzeve evropianë për rikthimin e thesareve artistike afrikane në Nigeri, “Metropolitan Museum of Art” (Met) në New York ka njoftuar se po i dërgon tri objekte në këtë vend.

Dy nga veprat, një çift pllakash të tunxhit nga oborri i Beninit, në shekullin e 16-të, të quajtura “Warrior Chief” dhe “Junior Court Official”, i ishin dhuruar muzeut më 1991 nga dileri i artit, Klaus Perls, dhe e shoqja e tij, Dolly, kurse e treta, nga shekulli i 14-të, “Ife Head” i ishte ofruar muzeut së fundmi për blerje nga një koleksionist tjetër.