Rivitalizimi i plotë i urës kryesore mbi lumin Ibër mund të marrë edhe disa muaj.
Këtë e ka thënë në Mitrovicë, përfaqësuesja e lartë e Bashkimit Evropian, Federica Mogherini.
Aty, ajo është takuar me nënkryetarin e Mitrovicës Jugore, Faruk Mujka dhe kryetarin e Mitrovicës Veriore, Goran Rakiç, afro 50 metra larg medieve, të cilat nuk u lejuan të xhirojnë takimin nga afër.
Pas këtij takimi, Mogherini tha se është e lumtur me punën që është bërë.
Sipas saj, kjo është arritur për shkak se mirëkuptimit të të dyja palëve, të cilat më në fund e kanë kuptuar se urat mund të bashkojnë dhe përmirësojnë jetën e njerëzve.
Përfaqësuesja e lartë e BE-së ka përmendur edhe rëndësinë e dialogut, duke thënë se është në dijeni se ai nuk ka qenë i lehtë, por se ai është zgjidhja e vetme.
Pajtimi sipas saj, është fjala kyçe për arritjen e paqes dhe përmirësimin e jetës së qytetarëve në të dyja anët e urës.
Për urën e cila po rivitalizohet me mbështetje të BE-së, janë dhënë disa afate të inaugurimit, por pavarësisht kësaj, nuk u lëshua ende në qarkullim.
Mogherini, e kënaqur me punimet në urën e Ibrit by kohanet
