Fan Bingbing, aktorja më e famshme kineze dhe një nga aktoret më të paguara në botë, është zhdukur pa gjurmë.
Tash e tre muaj nuk ka informacion mbi gruan e suksesshme kineze e cila bëri famë me rolet e saj në filmat "Iron Man" dhe "X-Men", transmeton KP.
Mediat amerikane raportojnë se Bingbing ndoshta është arrestuar fshehurazi për fshehjen e taksave në industrinë e filmit.
Një artikull që është botuar më 6 shtator, media shtetërore kineze Securities Daily, thuhej se Bingbing është nën kontroll dhe se pritet aktgjykimi ligjor. Por, ky informacion u fshi shumë shpejt. Në të njëjtën kohë, nuk ka informata zyrtare rreth akuzave, si dhe informacione zyrtare mbi një hetim të pretenduar kundër aktores.
CNN shkruan se problemet e saj filluan në maj të këtij viti kur ajo publikisht njoftoi kontratën e saj të filmit. Sipas tabloidit Global Times, Fan kishte dy kontrata të ndryshme - një zyrtare ku thuhej se ishte paguar rreth 1.5 milion dollarë dhe një private sipas së cilës ajo kishte fituar 7.5 milionë dollarë.
-
Zbulohen detajet e zhdukjes misterioze të aktores më të paguar kineze
-
Për shkak të evazionit fiskal aktorja e famshme kineze gjobitet qindra miliona dollarë
-
Dënohet kinezja që mashtroi njerëzit duke ua marrë 7 miliardë dollarë
-
Top ekonomisti kinez zhduket pasi kritikoi Xi Jinpingun
-
Në Kinë arrestohet një grua që shpifi ndaj pingpongisteve olimpike