Këngëtari me famë botërore, Usher, ka paralajmëruar se do të mbajë turne të ri, raporton “CNN”.
Përgjatë të martës, Usher, ka paralajmëruar se do të mbajë turneun e tij nën emrin “Usher: Past Present Future Tour”. Ky turne pritet të mbahet gjatë muajit gusht në Washington të Shteteve të Bashkuara të Amerikës.
“Usher do të udhëtojë nëpër SHBA për të festuar 30-vjetorin e karrierës së tij përmes këtij turneu. Këtu do të përfshihen këngët e tij të famshme që nga ‘Coming Home’ si dhe këngë nga albumi i tij i ri dhe i nënti me radhë që do të lansohet më 9 shkurt”, thuhet në deklaratën për shtyp të këngëtarit.
Këngëtari ka bërë publikun kureshtar me anë të një postimi që bëri në rrjete sociale ku ka shkruar: “A jeni gati për mua?”.
Usher do të performojë edhe në spektaklin “Superbowl” në Las Vegas sivjet, i cili mbahet më 11 shkurt në pauzën ndërmjet dy pjesëve të lojës së futbollit amerikan.
