-
Përktheu:
Vita Abrashi-Kajtazi
- 14 korrik 2026 13:12
- Shpërndaje në:
Aktori i mirënjohur, Tom Cruise, ka lënë pa fjalë fansat me transformimin e tij drastik në filmin e ri “Digger”, duke bërë që shumë prej tyre të besojnë se kjo mund t’i sjellë më në fund çmimin e parë “Oscar”, ka shkruar The Independent.
Aktori 64-vjeçar luan miliarderin e industrisë së naftës Digger Rockwell, i cili përpiqet të shpëtojë njerëzimin nga katastrofa mjedisore që vetë e ka shkaktuar. Për këtë rol, Cruise është shndërruar plotësisht falë protezave në fytyrë dhe trup, ndërsa shfaqet më i moshuar, më i rëndë dhe me flokë të thinjur.
Traileri i filmit “Digger”:
Pas publikimit të trailerit të parë, rrjetet sociale u mbushën me komente.
“Është frymëzuese të shohësh dikë që nuk ka më asgjë për të provuar, por vazhdon të sfidojë veten. Tom Cruise duket krejtësisht i panjohshëm. Gjithçka, zëri, mënyra e interpretimit dhe prania në ekran, është ndryshe”, ka shkruar një komentues.
Edhe
Tom Cruise zbulon sekretet e transformimit të tij për filmin “Digger”
Një tjetër shkroi se “Nuk mund të më bindni se ai është Tom Cruise”
Ndërsa një fans tjetër komentoi duke thënë se nuk e ka njohur në fillim.
“As nuk e njoha. Ky është një rol krejt ndryshe nga ato që jemi mësuar ta shohim”, ka shkruar fansi.
Të tjerë vlerësuan guximin e aktorit për të lënë mënjanë rolet e mbushura me aksion.
“Më në fund, një film ku marifeti më i rrezikshëm i Tom Cruise është aktrimi i pastër”, ka shkruar një përdorues i rrjeteve sociale.
Edhe
“Digger” bashkon dyshen Alejandro González Iñárritu dhe Tom Cruise
Shumë fansa besojnë se interpretimi në “Digger” mund t’i sigurojë Cruiset nominimin, madje edhe “Oscarin” e parë në karrierën e tij.
Filmi, me regji të Alejandro González Iñárritu, do të dalë në kinema më 2 tetor dhe në kast bëjnë pjesë edhe Jesse Plemons, Riz Ahmed, Sandra Hüller dhe Emma D’Arcy.
