Ylli kanadez i muzikës, The Weekend, është përfshirë në konfliktin ushtarak në Etiopi, duke i dhuruar 1 milion dollarë të cilat do të shfrytëzohen për sigurimin e ushqimit për të gjithë njerëzit në nevojë.
Këngëtari i njohur dhe shumë i suksesshëm i cili prejardhjen e ka nga Etiopia, është bërë bashkë me organizatën e Kombeve të Bashkuara, “World Food Program USA”, për t’i dhuruar mbi 1 milion dollarë për t’i ndihmuar shtetit të Afrikës Veriore, i cili ka disa muaj që është zhytur në gjak dhe është pushtuar nga kaosi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKonkretisht, paratë e The Weeknd emri i vërtetë i së cilit është Abel Makkonen Tesfaye, do të shfrytëzohen për t’i siguruar mbi 2 milionë vakte të ushqimit për qytetarët atje, të cilët janë zënë ngushtë mes dyluftimeve dhe po i vuajnë rëndë pasojat e situatës aktuale.
“Zemra më është thyer për njerëzit e mi nga Etiopia, ndërsa civilë të pafajshëm duke filluar nga fëmijë të vegjël e deri tek të moshuarit po vriten pa kuptim dhe fshatra të tërë po zhvendosen nga frika dhe shkatërrimi”, ka shkruar The Weeknd në postimin e tij të fundit në Instagram.
Tutje këngëtari bëri thirrje që të gjithë ata që kanë mundësi, të dhurojnë për këtë kauzë bamirësie.