Sydney Sweeney thotë se roli në serialin “Euphoria” e bëri ta donte trupin e saj

Sydney Sweeney ia ka atribuuar serialit “Euphoria” besimin e saj në trup. Aktorja 28-vjeçare ka kaluar adoleshencën duke dashur të fshehë trupin e saj dhe nuk ndihej kurrë e sigurt, por roli i Cassie në dramën e HBO-së e ndihmoi të kuptonte fuqinë e të ndjehurit rehat me veten.

Ajo tha për “Us Weekly” se ishte rritur me gjoks të madh që në klasën e gjashtë dhe gjithmonë ndihej e pasigurt. Përmes rolit të saj, Sydney ka thënë se e kuptoi se të jesh e sigurt është një fuqizim dhe se trupat janë të jashtëzakonshëm dhe duhet të përqafohen.

Pas vështirësive për të gjetur të brendshme që i përshtateshin formës së saj, aktorja u frymëzua të krijonte markën e saj, Syrn. Ajo tregoi se kishte bërë një bllok Pinterest me mijëra foto frymëzuese dhe vendosi të realizonte të brendshmet që i mungonin në treg.

Sydney gjithashtu ka pranuar se në të kaluarën kishte menduar për një reduktim gjoksi, por tani është shumë e lumtur që nuk e bëri. Ajo thekson se trupat të bukur dhe fuqizues dhe se siguria me vetveten reflektohet tek të tjerët.

Mesazhi i saj për vajzat dhe adoleshentet është që të ndihen të fuqizuara dhe të lumtura me trupin që kanë, duke përqafuar bukurinë dhe vetëbesimin që çdo trup sjell.