Kompania financiare teknologjike Square Inc., ka bërë të ditur se ka arritur një marrëveshje që të marrë në dorë pjesën më të madhe të aksioneve të “Tidal”, shërbim ky i transmetimit muzikor të reperit amerikan Jay-Z.
Sipas marrëveshjes, Square do të paguajë 297 milionë dollarë për të marrë “Tidal” ndërkohë që Jay-Z do të emërohet anëtar i Bordit të Drejtorëve të Sqaure.
Tidal tash do të përfaqësohet nga Square, kompani kjo e themeluar nga Jack Dorsey i cili është njëkohësisht themelues dhe shef ekzekutiv i Twitter.
Tidal është prezantuar vite më parë si alternativë e transmetuesve të tjerë muzikor.
“Ideja është që të gjenden rrugë të reja për të mbështetur punën e artistëve”, ka thënë Dorsey në një deklaratë ku ka bërë të ditur marrëveshjen e re.
Ndërkohë, Jay-Z ka deklaruar se ky partneritet do të jetë një “ndryshim i lojës për shumë vetë”.
-
Themeluesit të Twitterit i vjen keq që platforma u shndërrua në kompani
-
Themeluesi i Twitterit po largohet nga posti i drejtorit
-
Analistët: Meta tashmë ka mposhtur Twitterin
-
Ish-shefi i Twitterit kritikon Muskun: Nuk do të duhej ta blije kompaninë
-
Twitteri do t’i lehtësojë kufizimet për reklamat politike