Snoop Dogg “mashtroi” gjithë botën

E gjithë bota mendoi se reperi me famë botërore, Snoop Dogg, ka ndërprerë konsumimin e marihuanës. Megjithatë, gjithçka doli të ishte “mashtrim”. Ai tash ka thënë se e ka pasur fjalën për “tymin”.

“Kam mbaruar me tymin. Unë do të vazhdoj pa tym me @SoloStove (pajisje për ngrohje)”, ka shkruar ai në reklamën të cilën e postoi në rrjetin social “X”. Pra “tymi” të cilin përmendi Snoop ditë më parë, nuk kishte fare të bënte me tymin që shkakton thithja e marihuanës. Ai e kishte fjalën për tymin që shkaktojnë oxhaku dhe pajisjet tjera për ngrohje.

“E di se çfarë po mendon? Snoop, tymi është disi ‘gjëja jote’. Por, mbarova me të. Kam mbaruar me kollitjen dhe rrobat e mia që mbanin erë të keqe. Mbarova me të. Po vazhdoj pa tym”, ka thënë reperi në reklamën e postuar. Ai po e promovon “Solo Stove”, një markë të pajisjeve për ngrohje që nuk emeton tym.

Fansat e repereit u befasuan shumë pasi postoi në llogarinë e tij në “X” se po hiqte dorë nga tymi.

Megjithatë pati edhe shumë komente të fansave se ai po përpiqet të bëjë ndonjë reklamë për ndonjë brend që mundëson thithjen e marihuanës, por pa lëshuar tym. Dhe ia kanë qëlluar deri diku.

Edhe Showbiz 17 nën 2023 Snoop Dogg thotë se ka hequr dorë nga marihuana

“Më pëlqen një zjarr i mirë, por bënte shumë tym. Solo Stove veçoi zjarrin dhe hoqi tymin. Ata ndryshuan lojën dhe tani jam i emocionuar të përhap dashurinë dhe të qëndroj ngrohtë me miqtë dhe familjen time”, ka shkruar Snoop Dog të hënën.