Muaj pasi Shakira dhe partneri i saj për një kohë të gjatë, Gerard Piqué njoftuan se po i jepnin fund lidhjes së tyre, këngëtarja po këndon për një zemër të thyer.
Të enjten, këngëtarja e "Hips Don't Lie" publikoi bashkëpunimin e saj me yllin portorikan, Ozuna të titulluar "Monotonía". Ajo gjithashtu publikoi një video muzikore shoqëruese ku zemra i është shkëputur nga gjoksi sipas tekstit të këngës, shkruajti People.com.
Në videon muzikore, të drejtuar nga Jaume de la Iguana dhe Shakira, këngëtarja 45-vjeçare duket dukshëm e mërzitur në mes të një dyqani ushqimor përpara se dikush ta godasë në gjoks.
Më vonë, me një vrimë gjigante në gjoks, këngëtarja kolumbiane ngrihet dhe rrëmben zemrën e saj të përgjakur nga toka.
Më pas ajo është parë duke ecur nëpër një qytet gjatë natës me vrimën në gjoks, duke u përplasur me burrat rreth saj përpara se ta lëshojë zemrën dhe ta shkelë atë.
Edhe
Shakira vazhdon ta shfaq zemërthyerjen në këngët e saj
Siç shihet në videoklip, ajo më pas hyn në një ndërtesë ku Ozuna, 30 vjeç, e pret me një kuti dhe ajo vendos zemrën e saj brenda kutisë.
Në fund, ajo largohet me një buzëqeshje - duke demonstruar një ndjenjë force dhe elasticiteti pas dhimbjes që duroi.
Kënga e re vjen katër muaj pasi Shakira dhe Piqué – me të cilin ajo ka dy djem, Milanin, 9 vjeç dhe Sasha, 7 vjeç u ndanë.
“Me keqardhje konfirmojmë se po ndahemi”, tha çifti në një deklaratë të përbashkët në qershor.
“Kërkojmë privatësi në këtë moment për mirëqenien e fëmijëve tanë, të cilët janë prioriteti ynë maksimal. Faleminderit paraprakisht për mirëkuptimin dhe respektin”, thuhej më tej në deklaratë.
Edhe
Shakira s'po mendon për romancë të re
Muajin e kaluar, Shakira foli për ndarjen për herë të parë gjatë një interviste me ELLE.
Duke vënë në dukje se “është e vështirë të flasësh për këtë, këngëtarja shpjegoi se prania e vazhdueshme e paparacëve jashtë shtëpisë së saj dhe titujt e ndryshëm, e kanë bërë një situatë të vështirë në sytë e publikut shumë më të vështirë.
