Sabri Fejzullahu i këndon mërgatës në Lipjan

Bashkë me verën në vend vijnë edhe bashkatdhetarët nga mërgimi.

Komuna e Lipjanit i priti ata me festë e aktivitete të shumta, sportive dhe kulturore për 3 net radhazi.

Tetë, nëntë dhe dhjetë gushti janë datat gjatë të cilave sheshi i Lipjanit u mbush plot.

E gjithë kjo nën organizimin e Komunës së Lipjanit.

Në Lipjan nuk mungoi as kënga. Në natën përmbyllëse të gjithë pjesëmarrësit me muzikë i argëtoi këngëtari i njohur i skenës në vend, Sabri Fejzullahu.

Ndjenjat që i përjeton kur performon para mërgatës i përshkruan vetë ai.

Krahas muzikës pati edhe gara në sporte të ndryshme.

Mundje krahu, pingpong, shah e volejboll plazhi, të gjitha këto brenda sheshit të Lipjanit.

Garuesit në këto sporte kthehen në shtëpi me shpërblime.

Afrim Zeqiri jeton në mërgatë për afro 30 vjet. Thotë se organizime të tilla janë të domosdoshme, në mënyrë që të rinjtë ta njohin vendlindjen nga afër. E ata më të moshuarit të çmallen.

Me festë do të priten mërgimtarët edhe viteve të tjera sipas planeve të Drejtorisë së Kulturës në Lipjan