Klubi i njohur i Serie A të Italisë, Genoa, ka lansuar në treg fanellën e tretë përmes një kampanje marketingu të stilit urban. Fytyra e kësaj kampanje është ylli me famë botërore, shqiptarja Rita Ora.
Fanella e tretë e klubit ka ngjyrën e artë dhe u lansua për nder të 130-vjetorit të klubit gjenovez.
Lojtarët e klubit do t’i veshin këto fanella në ndeshjen ardhshme të ligës italiane që do të zhvillohet kundër Interit, më 29 dhjetor.
“Jemi shumë të lumtur për këtë bashkëpunim me superyllin global Rita Ora për ta festuar 130 vjetorin tonë. Genoa CFC është një klub historik, me origjinë dhe realitet kozmopolit. Që kur pronësia e re mori përsipër klubin, ne duam të theksojmë më tej markën e fuqishme Genoa dhe të angazhohemi me influencues dhe të famshëm që e duan futbollin dhe identifikohen me vlerat dhe historinë tonë të markës. Ne besojmë se kjo është një mënyrë e shkëlqyer për të ekspozuar Genoa CFC ndaj shikuesve të rinj anembanë botës”, ka thënë shefi ekzekutiv i Genoas, Andrés Blazquez.
Aktivizimi i Rita Orës është pjesë e një fushate digjitale mbizotëruese që promovon klubin, tifozët e tij dhe ngjyrat e tij, e cila gjithashtu përmban imazhe të xhiruara në qendrën e vjetër të qytetit dhe një video që sjell fanellën e festimit në zemër të jetës në “caruggi”, rrugët tipike të ngushta që përbëjnë qendrën e qytetit, ka shkruar PRNewsWire.
Edhe
Fanella mysafire e Napolit u dedikohet argjentinasve
Fanella e artë e 130-vjetorit u paraqit fillimisht në shtator brenda “Palazzi dei Rolli”, pallatet fisnike të Gjenovës. Kjo fushatë mbështetet në zgjerimin e markës Genoa në territoret dhe audiencat ndërkombëtare, me një fanellë që është një ikonë e stilit.
Genoa njihet për shikues të flakët. Është klubi më i vjetër në Itali. I krijuar nga anglezët në shtatorin e vitit 1893, klubi është më i vjetër se vetë Federata Italiane e Futbollit.
Për nder të kësaj historie, klubi në logo mban flamurin anglez, e që besohet se kjo është arsyeja që kanë zgjedhur një këngëtare nga ky shtet për ta prezantuar fanellën.
Genoa gjatë historisë është shpallur nëntë herë kampione e Italisë dhe një herë ka fituar kupën.
Edhe
Kosova me fanella të reja
Postimi në Instagram:
