Ish-muzikanti i Fugees, Prakazrel "Pras" Michel është shpallur fajtor për 10 akuza, duke përfshirë korrupsionin, që rrjedhin nga akuzat se ai përdori para për të blerë ndikim në SHBA.
Prokurorët amerikanë thanë se Michel kishte marrë më shumë se 100 milionë dollarë nga miliarderi malajzian Jho Low, të cilat u përdorën në dy përpjekje për të ndikuar në politikën amerikane.
Ai u dënua gjithashtu për lobim në emër të qeverisë së Kinës.
Reperi tani përballet me vite burg, raportoi BBC.
Michel u dënua për shkelje të financimit të fushatës, duke vepruar si agjent i huaj i paregjistruar dhe gënjim të bankave.
Avokati i tij, David Kenner, tha se ai ishte i zhgënjyer me rezultatin e gjyqit dhe planifikoi të paraqiste një apel.
Edhe
Reperi Mystikal dënohet me 20 vjet burgim pasi pranoi fajësinë për përdhunimin e një gruaje
Reperi fitues i Grammyt u akuzua se kishte sjellë "influencë sekrete, të paligjshme dhe të huaj" gjatë administratave të Barack Obamës dhe Donald Trump.
Biznesmeni Low, i cili dërgoi para te Michel, akuzohet se ka vjedhur rreth 4 miliardë dollarë nga fondi i pasurisë sovrane të Malajzisë gjatë skandalit famëkeq 1MDB.
