Princi Harry dhe dukesha Meghan nuk marrin pjesë në pritjen për Dianën

Duka dhe Dukesha e Sussexit nuk do të fluturojnë për në Londër për një pritje për nder të princeshës Diana. Një zëdhënës ka konfirmuar për “Telegraph” se çifti mbretëror - që jeton në Santa Barbara, Kaliforni - nuk do të jetë i pranishëm në panair, në pallatin Kensignton të martën (19.10.21). Festa fillimisht ishte planifikuar të mbahej në korrik pas zbulimit të statujës së Dianës Sunken Garden të pallatit për të shënuar 20-vjetorin e vdekjes tragjike të Dianës.

Për shkak të pandemisë COVID-19, ngjarja u zvogëlua masivisht. Sidoqoftë, princi Harry, 37 vjeç, u ribashkua me vëllain e tij, princin William, 39 vjeç, për momentin e veçantë, ndërsa Meghan, 40 vjeçe, qëndroi në shtëpi në SHBA, pasi nuk kishte shumë kohë që e kishte lindur vajzën e tyre Lilibet. Njerëz të tillë si Sir Elton John dhe rreth 100 miq të tjerë të ngushtë dhe familja e Dianës gjithashtu pritet të marrin pjesë në festën e vonuar.

Djemtë e saj - të cilët i kishte me ish-bashkëshortin princin Charles - porositën skulptorin Ian Rank-Broadley për ta përkujtuar nënën e tyre, e cila vdiq në një aksident me makinë në Paris më 31 gusht 1997, në moshën 36 vjeçe.

Vëllezërit shpresojnë që statuja do të shihet si simbol i qëndrueshëm i “jetës dhe trashëgimisë” së princeshës së Uellsit.

Ata thanë në një deklaratë të përbashkët në atë kohë: “Sot, në ditën që do të kishte qenë 60-vjetori i nënës sonë, ne kujtojmë dashurinë, forcën dhe karakterin e saj - cilësi që e bënë atë një forcë për mirësi në të gjithë botën, duke ndryshuar jetë të panumërta. Çdo ditë urojmë që të ishte akoma me ne dhe shpresojmë që kjo statujë të shihet përgjithmonë si simbol i jetës dhe trashëgimisë së saj. “Faleminderit Ian Rank-Broadley, Pip Morrison dhe ekipet e tyre për punën e jashtëzakonshme, miqtë dhe donatorët që ndihmuan që kjo të ndodhë dhe të gjithë njerëzit në të gjithë botën që mbajnë gjallë kujtimin e nënës sonë”.