Grease është pjesë aq e madhe e pop-kulturës saqë nuk është befasues vendimi nga Paramount për përgatitjen e pararendësit të tij, mëson “The Hollywood Reporter”.
Pararendësi është titulluar “Summer Loving”, ndërsa për skenarin është përgjegjës John August, shkrimtari veteran i cili i ka shkruar disa nga skenarët e shkëlqyer si “Big Fish” dhe “Charlie and the Chocolate Factory”.
“Grease” është me të vërtetë një klasik, muzikori qysh në vitin 1978 e pushtoi botën, ndërsa John Travoltën dhe Olivia Newton-Johnin i lansoi në nivelin e yjeve. Karakteret e tyre, problematiku Danny Zuko dhe vajza e mirë Sandy Olsson, në fillim të filmit në këngën “Summer Nights” flasin për flirtin që e kishin verën paraprake dhe pikërisht kjo është baza e pararendësit: takimi i tyre vendimtar.
“Grease” i solli Paramountit shumë para: këngët për dekada të tëra lëshohen në radiostacione (kolona zanore është një nga më të suksesshmet në histori) dhe janë bërë pjesë e pop kulturës, dhe shpesh publikohen në edicione të përvjetorit... një gafë lidhur me Grease ishte vazhdimi i tij me Michelle Pfeiffer.
Këtë vit në kinema mbërrijnë dy filma të punuar nga John August: njëri është për ribërjen filmike të Aladdinit, i cili mbërrin më 24 maj, dhe tjetri përshtatja e tregimeve horror për fëmijë “Scary Stories to Tell in the Dark, me produksion nga Guillermo del Toro, shkruan KOHA Ditore.
Ende nuk dihet se kur mund ta presim pararendësin e Grease.
-
Bradley Cooper në projektin e ri filmik “Ocean’s” do të luajë përkrah Margot Robbiet
-
John Travolta me dedikim prekës për ish-kolegen Olivia Newton-John
-
Ryan Reynolds do ta bashkëshkruajë dhe do të luajë në një komedi të re të Netflixit
-
“Dirty Dancing”, ndalesa e radhës e rrugëtimit nostalgjik të Hollywoodit
-
Paramount po punon në dy filma të rinj “Transformers”