“Once Upon A Time In Hollywood” i Quentin Tarantino ishte zgjedhja më e mirë në “Critics’ Choice Awards” të dielën (12 janar) kur u kurorëzua si filmi më i mirë.
Filmi në të cilin luajnë disa yje gjithashtu i fitoi çmimet “Best Original Screenplay” dhe “Best Supporting Actor” për Brad Pitt në ceremoninë e Santa Monica, Kaliforni, të mbajtur në prag të shpalljes së kandidimeve për “Oscar”.
Joaquin Phoenix dhe Renee Zellweger vazhduan t’i shtojnë trofetë e tyre, duke i fituar çmimet “Best Actor” për “Joker” dhe “Best Actress” për “Judy”, ndërsa Laura Dern nga “Marriage Story” e fitoi çmimin “Best Supporting Actress”, shkruan KOHA Ditore.
Për çmimin e regjisorit më të mirë ishte barazim midis Sam Mendes për filmin “1917” dhe Bong Joon-ho për “Parasite”, ndërsa Greta Gerwig e fitoi çmimin “Best Adapted Screenplay” për “Little Women”.
Ndërkohë, në kategoritë televizive, “Fleabag” ishte fitues i trefishtë, duke e fituar çmimin “Best Comedy Series”, “Best Acress in a Comedy Series” për krijuesin dhe yllin Phoebe Waller-Bridge, dhe “Best Supporting Actor in a Comedy Series” për Andrew Scott, dhe kishte çmime të dyfishta për Watchmen, When They See Us, dhe Succession.
-
Critics Choice Awards 2026: “One Battle After Another” filmi më i mirë i vitit
-
Kush do të luajë në filmin e ri të Quentin Tarantinos?
-
Filmat që kryesuan listën e fituesve në “Critics Choice Awards”
-
U ndanë shpërblimet “Critics Choice Awards”
-
U shpallën fituesit e sivjetmë të çmimeve “Critics Choice Awards”