Kylie Jenner dhe Travis Scott thuhet se janë ndarë pas dy vjet lidhjeje.
Reperi dhe ylli nga “Keeping Up with the Kardashians”, të cilët e kanë së bashku vajzën një vjeçare Stormi, "u përpoqën ta bënin lidhjen të funksionojë për një kohë", tha një burim për TMZ.com. Megjithatë, disa javë më parë ata thuhet se e kanë marrë vendimin të ndahen. Burimi i brendshëm vuri në dukje se as Kylie dhe as Travis nuk kanë vendosur nëse ndarja do të jetë e përhershme, ndërsa një burim tjetër tha për People se "ata po bëjnë pauzë, por nuk janë ndarë përgjithmonë".
"Ata ende i kanë disa probleme rreth besimit, por problemet e tyre burojnë më shumë nga stresi i mënyrës së jetesës së tyre," vazhdoi burimi. Çifti arriti ta kalojë një krizë të rëndë në mars, kur Kylie mendoi se Travis po e tradhtonte. Ai e mohoi këtë dhe ata vazhduan së bashku.
Kylie dhe Travis u panë së fundmi së bashku në premierën e dokumentarit të tij në Netflix, Travis Scott: Look Mom I Can Fly më 28 gusht, ku e morën edhe vajzën e tyre simpatike, shkruan KOHA Ditore.
Ata do të vazhdojnë të jenë bashkë prindër të Stormi edhe pas ndarjes, raportoi The Blast, duke e ndarë kujdestarinë 50/50.
Manjatja e grimit gjithashtu nuk ka postuar asgjë në mediat e saj sociale lidhur me Travisin që nga 10 shtatori. Përveç kësaj, muzikanti mungoi kur Kylie mori pjesë në ceremoninë martesore të Justin dhe Hailey Bieber në Karolinën e Jugut të hënën, duke dalë në vend të ceremonisë me vajzën e saj të vogël Stormi.
As Kylie dhe as Travis nuk kanë komentuar publikisht për raportet e ndarjes.