Kylie Jenner (21) përsëri është në qendër të vëmendjes. Anëtarja më e re e familjes kontroverse Kardashian-Jenner në Instagram e ka postuar një selfie, por këtë herë pa grim.
“Gëzuar e mërkura”, – shkroi Kylie në përshkrim të fotografisë të cilën brenda pak kohe e pëlqyen mbi pesë milionë njerëz.
Postimi i mahniti fansat, kështu që nën foto ishin madje rreth 40,000 komente.
“Ti je shumë e bukur”, “Më pëlqen kur nuk ke grim, dukesh e bukur, edhe unë do të doja të kem pikla”, “Bukuroshe natyrale”, ishin vetëm disa nga komentet e fansave të mahnitur.
Përndryshe, Kylie kohët e fundit e pranoi se i kishte larguar fillerët nga buzët, të cilat i kishte vendosur qysh në moshën 16 vjeçare.
Edhe
Kylie Jenner publikon foto krejt natyrale me James Charles
“Kam pasur buzë vërtetë të holla dhe pas një prej puthjeve të para, i dashuri im më tha se nuk mendonte se do të puthja mirë kur kam buzë aq të holla. E kisha të vështirë. Nuk u ndjeva as bukur dhe as e dëshirueshme”, - u ankua ajo në shown familjar, përcjell KOHA Ditore.
Përndryshe, anëtarja më e re e klanit Kardashian-Jenner është duke e pritur lansimin e një parfumi të ri. Siç njoftoi në premierën e sezonit të 16-të të "Keeping Up With Kardashians", ajo dhe motra e saj më e madhe Kim Kardashian (38) i kanë bashkuar forcat për ta bërë një parfum të përbashkët. Tani për tani nuk dihet data e lansimit të parfumit të ri, pasi që Kim njoftoi se mostrat testuese nuk e kanë kaluar testin.
