Kim Kardashian mendon se dështimi në provime e bëri atë më të lidhur me vajzën e saj 10-vjeçare North.
Ylli 42-vjeçar e cila ka katër fëmijë me ish bashkëshortin Kanye West, North 10 vjeç, Saint shtatë, Chicago, pesë dhe katërvjeçarin Psalm– kaloi provimet e saja të vitit të parë të në Fakultetin e Drejtësisë në përpjekjen e katërt në dhjetor të vitit 2021 derisa ka shpalosur se vajza e saj e madhe fillimisht e kishte "të vështirë" të kuptonte pse nëna e saj po kalonte kaq shumë kohë duke mësuar.
Kim Kardashian ka thënë se në fund e bëri Northin të kuptonte faktin nuk ishte ndryshe nga ajo, sepse edhe mami kishte teste në shkollë.
Ajo i tha Vogue Italia se "Vajza ime ishte atje me mua” në momentin kur i kishte kaluar provimet.
"Për një kohë të gjatë ishte e vështirë për të që të kuptonte pse mësoja gjatë gjithë kohës. Ajo më pa të dështoja dhe të qaja, ajo pa se si unë nuk isha ndryshe nga ajo kur ajo ishte e shqetësuar për shkak të një testi. Por kur më pa të qaja nga gëzimi, e dija se e kuptonte se sa e rëndësishme ishte kjo arritje për mua personalisht”.
Kim kohët e fundit pranoi se do të hiqte dorë me kënaqësi nga fama për t'u përqendruar në karrierën e saj ligjore dhe fushatën e reformës në drejtësi.
Duke folur në samitin TIME100 në prill, ajo tha: “Ka shumë gjëra që janë për televizion, por miqtë e mi e dinë se e vlerësojmë vërtet kohën tonë private. Do të isha po aq e lumtur të isha avokate me kohë të plotë. Udhëtimi me të vërtetë më hapi sytë kaq shumë. Gjithmonë bëj shaka me mamanë e cila është edhe menaxherja ime, them se Kim K. po del në pension dhe do të bëhet avokate.”
Kim shpjegoi gjithashtu se babai i saj i ndjerë, avokati Robert Kardashian, do të kishte marrë një lloj “goditje” të mirë nga shkuarja e saj në Fakultetin e Drejtësisë, sepse ishte diçka që ata diskutuan kur ai ishte ende gjallë.
Edhe
Kim Kardashian tregon pse është ndarë nga Kanye West
Kim u shpreh se atëbotë nuk dëshironte të mësonte shumë, e babai e qortonte për këtë. Dhe tash pasi i është dhënë mundësia të mësojë prapë pas kaq shumë kohësh është edhe më domethënëse për Kimin, pasi që ajo tha se po mëson cdo ditë dhe po ndihet mirënjohëse për këtë eksperiencë.
“Ai më kishte paralajmëruar se sa stresuese është”, ka thënë ajo.
Përgatiti: Vita Abrashi - Kajtazi
