Artisti kontrovers, Kanye West, ka arritur marrëveshje me përfaqësuesit e këngëtares Donna Summer, për të drejtat autoriale.
Në muajin shkurt, bashkëshorti i Summerit, Bruce Sudano e pati paditur reperin, i cili ndryshe njihet si Ye, me pretendimin se në albumin “Vulture 1” ka përdorur copëza nga kënga që Summer e kishte lansuar më 1977 “I Feel Love”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë enjten të dyja palët konfirmuan që kanë arritur marrëveshje dhe se secili do të paguajnë pjesën e vet të faturimit ligjor, shkruan BBC.
Udhëheqësi i ekipit mbrojtës të Summersit, Larry Stein i ka thënë mediumit Billboard se ka pajtim për mospërdorim të këngës.
Kushtet e tjera të kësaj marrëveshjeje nuk janë bërë publike.
Përfaqësuesit e Summerit patën deklaruar se West i ka përdorur pjesët e këngës, ani pse kërkesa e tij e parë për t’i përdorur ishte refuzuar.
Padia, që u bë kundër 46-vjeçarit si dhe bashkëpunëtorit të tij të albumit, artistit Ty Dolla $ign, kërkonte dëmshpërblim dhe bllokim të distribuimit të mëtutjeshëm të këngës.
Kënga u largua nga platforma transmetuese menjëherë pasi u bë ankesa në muajin shkurt dhe do të mbetet jashtë dispozicionit për transmetim në çdo platformë zyrtare.
Summer e cila vdiq nga kanceri i mushkërive në vitin 2012, njihej për shumë hite, duke përfshirë “Love to Love You Baby” dhe “Hot Stuff”.