Platforma për transmetimin e këngëve “Spotify” ka larguar këngën “Good (Don’t Die)”, e cila është pjesë e albumit të ri “Vultures” të reperit kontrovers Kanye West, në bashkëpunim me artistin Ty Dolla $ign.
“Billboard” ka raportuar se platforma largoi këngën pasi një pjesë e saj është marrë nga kënga “I Feel Love” që artistja Donna Summer e kishte bërë në vitin 1997.
Reperët fillimisht kishin kërkuar leje nga Donna për përdorim të një pjese të këngës së saj, po ajo nuk ka pranuar.
Pastaj Kanye e Ty e rikrijuan atë pjesë duke e shtyrë dikë tjetër ta këndojë apo duke përdorur IA.
Vetëm disa orë pasi Vultures u transmetua në “Spotify”, Donna u ankua përmes një deklarate në Instagram, ankesë pas të cilës platforma largoi këngën.
Të premten e kaluar, ylli Ozzy Osborne, ish anëtar i grupit “Black Sabbath”, ka bërë një ankesë të ngjashme me Donnan, duke thënë se Kanye i ka kërkuar leje për përdorim të një pjese të një kënge të tij. Kërkesë këtë që Ozzy tha se ia refuzoi për shkak se Kanye është antisemitist.
Edhe
Kanye West paditet nga përfaqësuesit e Donna Summers
Gruaja e Ozzyt, Sharon Osborne më pas ka thënë se familja e saj nuk dëshiron të ketë të bëjë asgjë me Kanye Westin.
Albumi “Vultures 1” është i pari projekt që Kanye publikon pas një sërë komentesh antisemitike që ka bërë, gjë që bëri bashkëpunëtorët e tij të distancohen.
