Regjisori i njohur, James Cameron, i ka kritikuar personazhet e filmave të bazuar në librat komik, “Marvel” dhe “DC”, për mungesën e thellësisë emocionale.
Në një intervistë të fundit për gazetën “The New York Times”, Cameron diskutoi për zhvillimin e personazheve të filmit të dytë, “Avatar: The Way Of Water, i cili fokusohet në personazhet Jake Sully, Neytiri dhe fëmijët e tyre, si dhe zë vend 12 vjet pas ngjarjes së filmit të parë të lansuar në vitin 2009.
“Në filmin e parë, personazhi i Samit kërcen nga krijesa e tij fluturuese dhe në thelb e ndryshon rrjedhën e historisë si rezultat i këtij veprimi të çmendur dhe pothuajse vetëvrasës. Dhe personazhi i Zoe Saldanas e bënë një kërcim të ngjashëm të rrezikshëm, duke supozuar se do zbarkojë në disa gjethe të bukura të mëdha që mund t’ia zbusin rënien”.
Por, për vazhdimin e dytë, regjisori ka dashur ta sqarojë se çfarë ndodhë kur këto personazhe zhvillohen mendërisht dhe e kuptojnë se kanë përgjegjësi përtej mbijetesës së tyre.
Cameron dëshiron që edhe filmat e tjerë ta konsiderojnë këtë zhvillim emocional teksa personazhet rriten, duke theksuar në mënyrë specifike filmat e studiove “Marvel” dhe “DC”.
“Kur shikoj këta filma të mëdhenj dhe spektakolar, e kam fjalën për projektet e studiove “Marvel” dhe “DC”, nuk ka rëndësi sa të vjetër në moshë janë personazhet, ata të gjithmonë sillen sikur janë në kolegj. Ata kanë marrëdhënie me njëri-tjetrin, por jo ashtu siç duhet. Nuk i sakrifikojnë teket e tyre për shkak të fëmijëve. Nuk i posedojnë gjërat që na mbajnë me këmbë në tokë dhe na japin fuqi, siç është dashuria apo qëllimet në jetë. Ato personazhe nuk i përjetojnë këto emocione dhe unë mendoj se kjo nuk është mënyra e duhur për të bërë filma”.
Edhe
James Cameron pauzon “Avatar” për t’iu përkushtuar një aventure të re
James Cameron është regjisori i fundit që bëri kritika për filmat me superheronj, pas Martin Scorseses dhe Ridley Scottit, të cilët i konsideruan ata të mërzitshëm.
Në fillim të këtij viti, Samuel L. Jackson, i cili e portretizon Nick Furyn në filmat “Avengers”, iu adresua disa prej këtyre kritikave duke thënë se të gjithë filmat janë të vlefshëm në mënyrën e vet.
