-
Përktheu:
Vita Abrashi-Kajtazi
- 26 shkurt 2025 12:35
- Shpërndaje në:
Aktorja e njohur Halle Berry ka thënë ndihet e lodhur duke qenë e vetmja grua me ngjyrë në historinë e “Oscarit” që ka fituar çmimin për aktoren më të mirë, ka raportuar CNN.
Aktorja bëri histori në vitin 2002 kur u bë gruaja e parë me ngjyrë që fitoi çmimin për rolin kryesor nga Akademia e Filmit, për performancën e saj në filmin “Monster’s Ball”.
Në episodin e fundit të podcastit “What Now?” të Trevor Noah, Berry ka theksuar se që në atë kohë e kuptoi se fitorja e saj ishte më e madhe se vetë ajo.
Disa aktore me ngjyrë kanë fituar çmimin për aktoren më të mirë në rol dytësor. E sivjet Cynthia Erivo nga filmi “Wicked” ka mundësinë të bëhet e para që ndan këtë arritje me Berryn.
“Shpresoj që këtë vit dikush të qëndrojë pranë meje. Shpresoj që të ndodhë, sepse jam lodhur duke qenë e vetme në atë hapësirë”, ka thënë Berry në podcast.
Megjithatë, edhe nëse nuk ndodh, aktorja e filmit “X-Men” ka theksuar se ajo u zgjodh për atë moment që të ishte simbol i mundësisë.
Edhe
Hally Berry “refuzon” të ndihet në siklet për moshën
“Besoj se fitorja ime pati ndikim dhe shërbeu për këtë qëllim”, ka shtuar ajo.
Momenti i fitores së Halle Berryt në “Oscar” mbetet një nga më të paharruarit në historinë e ceremonisë.
Momenti kur Berry pati fituar çmimin “Oscar”:
