Tiranë, 7 shkurt – Një vit pasi u shpall fitues i festivalit të muzikës italiane Sanremo 2018, kantautori shqiptar Ermal Meta do të rikthehet në skenën e Sanremo 2019 si i ftuar special në natën e dueteve.
Ai do të performojë ditën e premte më 8 shkurt, një ditë para natës finale në duet me këngëtarin në garë Simone Cristicchi me këngën e tij “Abbia cura di me”.
Rikthimi në festivalin e Sanremos, bëhet në një moment të vecantë për artistin shqiptar, i cili sapo ka nisur një tur koncertesh në të gjithë Italinë .
Për mediat italiane ai rrëfen se, “pas suksesit të një viti më parë në Sanremo, pranoj të shoqëroj në duet për një natë këngëtarin Simone Cristicchi.”
“Kënga e tij më pëlqeu e shumë . Jam një fans i muzikës së Cristicchit. Më pëlqen pena e shpirti i tij muzikor. Pranova menjëherë ftesën , është një zgjedhje që mund ta bëj vetëm për pak persona”, u shpreh Ermal Meta.
Edhe
Ermal Meta rikthehet në Sanremo për të performuar me Simone Cristicchin
Në drejtimin artistik të këngëtarit të njohur Claudio Baglioni, në Sanremo 2019 mungon gara e kategorisë së këngëtarëve të rinj.
Sanremo 2019 prezantohet për të dytin vit radhazi nga drejtori artistik Claudio Baglioni, që sivjet shoqërohet nga aktorët komikë Virginia Rafelle e Claudio Bisio.
