Modelja me famë botërore, me rrënjë shqiptare, Emina Cunmulaj ka thënë se asgjë nuk do ta ndalë atë për ta festuar Ditën e Flamurit duke kërcyer “Shotën”.
Ajo ka bërë një video në Instagram ku shfaqet shumë e emocionuar për Festën e Flamurit duke treguar se ka organizuar një ndejë në New York.
Ndejën që do të mbahet me 2 dhjetor, për nderë të 28 nëntorit, e organizoi vet Cunmulaj në bashkëpunim me “Vatra Miami”, ku mysafir nderi do të jetë ambasadori i Shqipërisë në SHBA, Ervin Bushati. Aty do të performojë reperi i njohur shqiptar, me famë ndërkombëtare, Gashi.
“Jam pak e sëmurë, po marr shumë vitamina në mënyrë që të qëndroj e shëndetshme, s’do të më ndal asgjë për kërcyer shotën”, ka thënë ylli në video.
Cunmulaj ka ndarë edhe të tjera video ku shihen pamje nga përgatitjet e festës e flamuj të vegjël dhe dëgjohet të jetë shumë e entuziazmuar.
