Një nga këngëtaret më të famshme ka vendosur t’i japë fund beqarisë me një ceremoni shumë private, ku të pranishëm ishin vetëm familjarët dhe miqtë e çiftit. Ceremonia martesore është zhvilluar në shtëpinë e tyre dhe gjithçka u mor vesh nga publikimet e fotove në rrjetet sociale.
Bëhet fjalë për këngëtaren Miley Cyrus, e cila u martua me të fejuarin e saj aktorin e njohur - Liam Hemsworth. Ata, së bashku janë prej 9 vitesh.
Cyrus dukej mjaft elegante me fustanin e saj të bardhë me njërën shpatull jashtë. Ndërkohë Hemsworth dukej mjaft elegant i veshur me një kostum të zi dhe një lule të bardhë në xhepin e xhaketës.
Miley Cyrus dhe Liam Hemswoth janë njohur që në vitin 2009, kur u bënë bashkë për xhirimet e filmit “The Last Song”. Marrëdhënia e tyre ka pasur disa herë ulje e ngritje deri në vitin 2016 kur u kthyen bashkë dhe mesa duket se do të qëndrojnë përgjithmonë.
