Ylli amerikan i mundjes dhe aktori John Cena u ka kërkuar falje fansave kinezë të martën pasi e ka quajtur shtet Tajvanin, gjatë një interviste të fundit ku promovoi filmin e fundit “Fast & Furious 9”.
Duke folur në televizionin TVBS në Tajvan, 44-vjeçari Cena u shpreh se Tajvani do të jetë shteti i parë që do ta shohë filmin më të ri “Fast and Furious”.
Kina e konsideron Tajvanin provincë të saj, diçka që në ishullin demokratik refuzohet.
“Kam bërë një gabim. Më vjen shumë, shumë keq”, është shprehur Cena në një video të postuar në Weibo më vonë. “E dua dhe respektoj Kinën dhe njerëzit e saj”.
Cena i bashkohet listës së yjeve botërore që kanë pasur telashe me publikun kinez për komentet lidhur me Tajvanin, Hong Kongun apo Xinjiangun.
Edhe
Presidenti tajvanez thotë se vendi i tij nuk i përket Pekinit
Edhe shumë kompani ndërkombëtare kanë qenë pre e presioneve, me agjenci fluturimesh e hotele që i kanë kërkuar falje Kinës për listimin e Tajvanit si shtet.
Filmi i ri ka shpërthyer në javën hapëse në Kinë, që kur doli më 21 maj.
-
Trumpi paralajmëron Tajvanin pas takimit me Xi-në: Mos e shpallni pavarësinë
-
Trumpi s’deklarohet nëse SHBA-ja do të parandalonte Kinën ta merrte Tajvanin me forcë
-
Trumpi thotë se Tajvani duhet ta paguajë SHBA-në për mbrojtjen që po i jep
-
Kina kritikon legjislacionin e SHBA-së që autorizon pakon ushtarake për Tajvanin