Muzika elektronike, aktualisht konsiderohet të jetë njëra ndër zhanret më të dëgjuara në botë. Si zhanër muzikor, ajo prodhohet nëpërmjet instrumenteve dhe teknologjisë muzikore elektro.
Fillet e kësaj muzike datojnë prapa në vitet ‘50 dhe fundi i viteve ’60, transmeton emisioni Express në KTV.
Lirimi i çmimit të teknologjisë elektronike bëri që muzika e prodhuar nëpërmjet metodave elektro, të bëhej gjithnjë e më shumë e zakonshme në terrenin popullor.
Në Kosovë, kjo lloj muzike nuk ka një audiencë të madhe dhe artistët që e kultivojnë atë, janë në numër të vogël.
Qyteti i Mitrovicës njihet si qyteti ku është zhvilluar muzika moderne, prej nga vjen edhe Blerta Kosova, e cila karakterizohet për stilin e saj të veçantë muzikor.
Pasioni i Blertës për muzikën, shihet edhe te përkushtimi i saj në “Mitrovica Rock School”, ku ajo është mësuese e solo-këndimit dhe udhëheqëse e bendit muzikor.
Edhe
“Reflections” në një botë tjetër përjetimesh
Dhjetë këngë të përcjella me vokal në stile të ndryshme, por në stilin e muzikës elektronike janë ato që e karakterizojnë albumin e Blerta Kosovës, “Reflections”.
Dëshpërimi është pikë kthese për Blertën, e cila fillon ta përvetësojë stilin e saj në muzikën elektronike.
Albumin “Reflections” adhuruesit e muzikës elektro do të mund ta kenë nga e premtja dhe ta shohin Blertën duke performuar live.
