Aktorja Asia Argento thotë se e fajëson veten për vdekjen e të dashurit të saj, Anthony Bourdain.
Shefi i njohur i kuzhinës bëri vetëvrasje në vitin 2018 në moshën 61-vjeçare, dhe tani aktorja e njohur italiane, Asia Argento, e cila ishte në lidhje romantike me të për dy vjet, ka deklaruar se është pjesërisht fajtore për këtë ngjarje tragjike, raporton portali “Female”.
Në librin e ardhshëm që pritet të publikohet më 11 tetor, “Down and Out in Paradise: The Life of Anthony Bourdain”, aktorja akuzohet si fajtore për vdekjen e Anthonyt, pasi ishte zënë duke e puthur një burrë tjetër.
“Në tekstin e fundit që ia dërgova atij, i thash të mos më bezdiste. Anthony ishte i dehur, ai kishte problem me alkoolin, njësoj sikur unë. Atë mbrëmje po tregohej shumë i çuditshëm, ishte i zemëruar dhe fliste me mua më ndryshe”, deklaroi Argento në intervistën e saj të fundit.
Tutje, aktorja shpjegoi se në kohën kur Bourdain ia morri jetën vetes, ajo mezi po priste ta fillonte punën e re si anëtare e jurisë së shout italian, “The X Factor”. Ajo insiston se gjatë telefonatës së tyre të fundit, Anthony nuk ishte xheloz për aferën e saj të supozuar.
“Isha e lumtur sepse pas një dite do t’i filloja xhirimet e shout ‘X Factor’. Ai po ma prishte disponimin me energjinë e tij. Një natë më herët ma dërgoi një mesazh përmes së cilit më tha se jam grua e lirë. Anthony nuk ishte xheloz. Por ishte në depresion të thellë. Njerëzit e tij të afërt provuan të më fajësojnë mua dhe të më bëjnë përgjegjëse për vetëvrasjen e tij. Por, unë edhe ashtu ndihesha përgjegjëse. Nëse më duhet të marr gjithë fajin, do ta marr, mirëpo kjo është një mënyrë e thjeshtë për ta shpjeguar se çfarë ndodhi në të vërtetë. Ai ishte i dobët por u detyrua ta fsheh këtë fakt nga shoqëria, familja dhe bota”, deklaroi aktorja për emisionin italian “Domenica In”.
Asia Argento nga publiku i gjerë njihet për rolet në filma të tillë si, “Marie Antoinette”, “XXX”, “New Rose Hotel”, “Boarding Gate” dhe të tjerë.
