Këngëtarja Ariana Grande, 26 vjeç i ka intriguar shumë njerëz me klipin në të cilin puthet me këngëtarin Mikey Foster, gjë që i nxiti spekulimet se ka të dashur të ri. Ariana kohët e fundit e publikoi këngën e re të titulluar “Boyfriend” së bashku me duetin Social House.
“Ata të dy vërtet po e shijojnë shoqërinë e njëri-tjetrit dhe po e zhvillojnë lidhjen e tyre. Sidoqoftë, ata janë akoma larg statusit si të dashur”,– tha burimi për Hollywood Life.
Kjo nuk është hera e parë që ata të dy kanë bashkëpunuar. Tashmë ata kanë punuar së bashku në singlet e saj 'Thank You, Next' dhe '7 Rings', shkruan KOHA Ditore.
Ariana, me këngën e saj “Thank U, Next’, së bashku me këngëtaren Taylor Swift (29) me këngën “You Need to Calm Down”, në të cilën i kritikon trollet në rrjetet sociale dhe sulmet ndaj anëtarëve të komunitetit LGBTQ, garon për çmimet më të larta, për performancën më të mirë pop dhe video-klipin e vitit.
Grande gjithashtu është kandiduar për çmimin e artistes më të mirë të vitit, ndërsa në atë kategori garojnë edhe reperja Cardi B (26), Billie Eilish (17), Halsey (24), Jonas Brothers dhe Shawn Mendes (20).
Bendi korean BTS, pararendësi i valës muzikore K-pop në Shtetet e Bashkuara, e cila mbizotëroi në top lista vitin e kaluar, i mori vetëm katër nominime, gjë që i bëri fansat e tyre të pakënaqur.
Edhe
Ariana Grande lidhet sërish me Ricky Alvarezin, 10 vjet pas ndarjes
“Ndihem keq që perëndimorët nuk ia japin BTS respektin e duhur. Ata i injorojnë faktet, arritjet dhe natyrisht njerëzit”, - shkruan në Twitter përdoruesi Shivani Shintre. MTV nuk e komentoi këtë postim.
Fituesit e VMA do të shpallen në ceremoninë në Newark në New Jersey më 26 gusht.
