Anne Hathaway ka qenë “ligjërisht e verbër” për 10 vjet

Anne Hathaway, ylli i filmit “The Devil Wears Prada 2”, ka rrëfyer se ka pasur probleme serioze me shikimin gjatë të 30-ave dhe është diagnostikuar me katarakt të hershëm, gjë që e la “gjysmë të verbër” për pjesën më të madhe të një dekade, derisa iu nënshtrua një operacioni që ia riktheu shikimin.

Gjatë një paraqitjeje në podcastin “Popcast” të The New York Times, Anne foli për këtë sfidë.

“Kjo ndoshta është shumë informacion. Kam qenë gjysmë e verbër për 10 vjet. Më ndikoi aq shumë në shikim sa praktikisht isha ligjërisht e verbër në syrin e majtë dhe përfundova duke bërë operacion. Nuk e kuptova sa keq ishte bërë situata derisa më në fund munda të shihja të gjithë spektrin”, është shprehur ajo.

Anne tregoi se pas operacionit u ndje shumë më mirë dhe e quajti rikthimin e shikimit një “mrekulli”, duke thënë se nuk e kishte kuptuar që kjo e kishte lodhur sistemin e saj nervor.

“Jam qetësuar që atëherë. Nuk e kuptoja që kjo po e lodhte sistemin tim nervor. E vlerësoj shikimin sepse sinqerisht ndiej se çdo ditë kur zgjohem dhe mund të shoh kështu siç shoh, është një mrekulli. Mendoj shpesh: ‘Dy breza më parë, kjo nuk do të kishte qenë një mundësi për dikë si unë.’ Kështu që ndihem shumë e lidhur me këtë lloj mrekullie”, ka thënë aktorja Hathaway.

Kjo vjen pasi Anne së fundmi zbuloi se nuk ka bërë ndërhyrje kozmetike dhe kritikoi spekulimet se kishte bërë fshehurazi lifting të fytyrës.

Aktorja 43-vjeçare publikoi së fundmi një video në Instagram ku tregonte një teknikë që përdor stilisti i saj i flokëve për t’i dhënë fytyrës efekt ngritës, por mohoi se videoja ishte një “mohim i drejtpërdrejtë” ndaj thashethemeve për kirurgji estetike.

Edhe Showbiz 2 muaj më parë Anne Hathaway tregon se në vazhdimin e cilit film të famshëm është duke punuar

Anne i tha revistës ELLE se preferon të mos komentojë asgjë që flitet për të.

 “Preferenca ime do të ishte të mos komentoja kurrë për asgjë dhe thjesht të jetoja në mister pa tërhequr vëmendje ndaj vetes, por spekulimet u bënë aq të forta sa ndien nevojën ta thuash të vërtetën tënde.

“Dhe ndoshta gjithmonë do të pyes veten: ‘A duhej ta postoja atë apo jo? A duhej thjesht të vazhdoja dhe të bëja atë që më bën të lumtur dhe më jep më shumë vetëbesim në tapetin e kuq?’ Por ndjeva se biseda po bëhej shpërqendruese.”