Albumi “30” i kantautores britanike Adele pas vetëm tri ditëve të lansimit, ka arritur të bëhet albumi më i shitur në Shtetet e Bashkuara të Amerikës.
Ylli i hitit “Easy On Me” e ka thyer rekordin të cilin e mbante këngëtarja amerikane, Taylor Swift, me albumin “Evermore”, duke i shitur më shumë se 500 mijë kopje albumit të saj të katërt të incizuar në studio.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas statistikave të sigluara nga “Billboard”, albumi i ri i 33-vjeçares Adele i cili i përmban gjithsej 12 këngë, e fiton titullin e shitjeve më të mëdha të javës duke e thyer edhe rekordin tjetër të Taylor Swiftit, të arritur me versionin e riincizuar të albumit “Red”, i cili ishte lansuar më 12 nëntor dhe brenda një javë i kishte shitur 396 mijë kopje.
Pritet që “30” të pozicionohet në vendin e parë edhe të toplistës “Billboard” të 200 albumeve më të mira, dhe në rast se ndodhë kjo gjë, atëherë bëhet incizimi i tretë me radhë i Adeles që e gëzon këtë sukses, pas albumeve “25” dhe “21”.
Mënyra se si këngëtarja britanike ka zgjedhur ta promovojë albumin e ri, është përmes dy emisioneve speciale televizive, njëri u transmetua në kanalin “CBS” dhe ku përfshihej një koncert dhe një intervistë intime me prezantuesen, Oprah Winfrey, dhe një tjetër emision që u transmetua në “ITV” në Britani të Madhe, ku këngëtarja përveç performancave iu përgjigj edhe pyetjeve nga publiku i mbushur me yje të showbizit.