Showbiz

Një nga influencueset më të njohura po divorcohet

Descriptive Text

Një nga influencueset më të njohura në botë, Chiara Ferragni, pas skandalit rreth aksionit humanitar në dhjetor të vitit të kaluar, po divorcohet me reperin Fedez, raportojnë mediat italiane.

Problemet e fundit ligjore te çifti duket se kanë luajtur rol të rëndësishëm në ndarje. Sipas “Dagospia”, problemet në marrëdhëniet e tyre nisën që në Sanremo të vitit të kaluar, por Chiara e shtyu marrjen e çdo vendimi për të mbështetur bashkëshortin e saj që kishte probleme shëndetësore.

Megjithatë, kur Chiara e gjeti veten në telashe, Fedez thuhet se tregoi më pak mirëkuptim, duke fajësuar partneren dhe problemet ligjore me të cilat po përballej për efektin negativ në biznesin e tij.

Kjo çoi në një cikël debatesh ku tensioni u përshkallëzua ndërsa Chiara u përpoq të mbante gjërat nën kontroll. Përfundimisht, Fedez dyshohet se iku në Miami.

Disa besojnë se është një strategji PR që influencuesja të kthehet në “kohërat e vjetra” – pra të rikthejë imazhin pozitiv para skandalit rreth shitjes së ëmbëlsirave të Krishtlindjeve, një pjesë e të cilave supozohej të shkonte për qëllime humanitare.

Influencuesja italiane në bashkëpunim me kompaninë “Balocco” patën dizajnuar një tortë festash me mbiemrin e saj, e cila është shitur për 9 euro. Paratë nga shitja do t'i dhuroheshin spitalit pediatrik “Regina Margherita” në Torino për të mbledhur fonde për trajtimin e fëmijëve me kancer.

Kompania i prodhoi ëmbëlsirat dhe i dhuroi spitalit 50 mijë euro, ndërsa Chiara fitoi një milion euro me ndihmën e fushatës humanitare. Autoritetet akuzuan kompaninë “për aplikimin e një praktike të padrejtë tregtare në reklamim duke u sugjeruar konsumatorëve se me çdo blerje do të kontribuonin në një kauzë humanitare, gjë që nuk ishte kështu”.