Këngëtarja me rrënjë nga Kosova, Rita Ora, është befasuar nga një kandidate shqiptare që po garonte në “The Voice Australia”, ku Ora është pjesë e jurisë.
Sihana Haxhnikaj, 16-vjeçare nga Kosova, kandidoi në garën e famshme duke interpretuar këngën “Nothing Breaks Like A Heart”.
Rita Ora, si anëtare e jurisë, u impresionua me zërin e saj. Pas përfundimit të performancës, Haxhnikaj u prezantua dhe menjëherë pasi tregoi emrin, Rita Ora u pa e shtangur.
Pasi e pyeti sërish për emrin dhe prejardhjen, Haxhnikaj i tregoi Orës se është nga Kosova.
“Prej aty jam edhe unë... është e pamundur”, u shpreh Ora fillimisht duke vazhduar në gjuhën shqipe: “O zemër! Si jeni? Mirëmbrëma”.
Haxhnikaj do të vazhdojë garën me Orën si mentore të saj.
VIDEO:
