Kim Petras po i shijon sukseset e karrierës muzikore
Foto: AP/Associated Press
Për artisten, Kim Petras, viti 2022 ishte i madh dhe i mbushur me suksese.
Kanutautorja gjermane e fitoi shpërblimin e parë “Grammy”, e shënoi debutimin si aktore me një rol në serialin e kanalit HBI, “Los Espookys”, si dhe e lansoi një këngë me producentin e njohur të muzikës pop, Max Martin.
Edhe pse ajo ka bërë muzikë për më shumë se një dekadë, ngritja e famës së Petras nuk ndodhi brenda natës. Dhe ndërsa është mirënjohëse për suksesin e saj, ajo pranon se ky nivel i famës e bën atë dhe muzikën e saj më të ekspozuar ndaj kritikave.
“Tani gjërat janë më serioze. Jam më e vetëdijshme kur krijoj muzikë sepse e di që njerëzit po më ndjekin me vëmendje dhe sytë e një numri të madh të publikut janë drejtuar nga unë, të cilët jo domosdoshmërish janë fansa të mi, dhe kuptohem mund të mos jenë aq të sjellshëm në vlerësimet e tyre. megjithëkëtë, mendoj që marrë parasysh faktin se e kam ndërtuar karrierën me hapa të ngadalte dhe sigurt, mund ta përballoj edhe këtë gjë”.
Para se karriera e saj t’i arrinte majat e suksesit, Petras prodhonte dhe lansonte muzikë si artiste e pavarur nën labelin e saj personal, “BunHead Records”. Si inspirim, këngëtarja i përmend artistët e tillë si, Robyn dhe Charli XCX, të cilat po ashtu kanë lansuar muzikë në mënyrë të pavarur.
Përveç që po i feston sukseset e mëdha të vitit 2022, Petras po ashtu e shënoi ditëlindjen e saj të 30-të, në mënyrën më të mirë të mundshme. Por, ylli i muzikës pop thotë se e ndanë filozofinë e njëjtë me ikonën e ndjerë të muzikës, Prince, kur bëhet fjalë te festimi i ditëlindjeve.
“Për mua, mosha nuk ka rëndësi. Unë kurrë nuk do të ndaloj së shkuari nëpër klube të natës, sepse kjo jam unë, një person që i dashuron ndejat dhe shoqërinë”.
Kim Petras dhe Sam Smith e rrëmbyen gjithë vëmendjen në edicionin e 65-të të ceremonisë “Grammy”, ku u shpërblyen me çmimin “Bashkëpunimi më i mirë pop” për këngën “Unholy”. Kjo ishte një fitore historike për kantautoren gjermane, e cila u bë gruaja e parë transgjinore që e rrëmben këtë shpërblim.
