Ish-bashkëshorti i Pamela Andersonit, Jon Peters, planifikon t'i lërë asaj një dhuratë shumë bujare prej 10 milionë dollarësh kur ai të vdesë, pavarësisht se bashkimi i tyre zgjati më pak se dy javë.

“Unë gjithmonë do ta dua Pamelën, gjithmonë në zemrën time”, tha ai për Variety. “Në fakt, i lashë asaj 10 milionë dollarë në testament. Dhe ajo as që e di këtë. Askush nuk e di këtë”.

“Po e them vetëm për herë të parë me ju”, shtoi producenti i “Star is Born”. “Ndoshta nuk duhet ta them. Pra, kjo është për të, pavarësisht nëse ajo ka nevojë apo jo”.

Peters, 77 vjeç, u takua për herë të parë me 55-vjeçaren pak pasi ajo kishte mbërritur në Los Angeles nga qyteti i saj i vogël në Kanada vite më parë. Më pas ai filloi ta lante Andersonin me dhurata të shtrenjta.

"Zilja e derës do të binte dhe një shofer do të më sillte një kuti të vogël të kuqe nga Cartier, Ralph Lauren, Azzedine Alaïa", pati treguar ajo.

Ata ishin ribashkuar më 2020, pak para se pandemia të fillonte. Bashkimi i tyre zgjati vetëm 12 ditë.