Kylie Jenner dhe Travis Scott raportohet se nuk janë më bashkë.
Një burim ka thënë për revistën “People” se miliarderja 25-vjeçare dhe reperi amerikan janë ndarë.
“Ajo i ka kaluar pushimet në Aspen me familjen e saj. Ata janë ndarë disa herë kohëve të fundit dhe mund të ndodhë që edhe kjo të jetë një ndarje e ngjashme”, ka thënë burimi.
Sipas burimit, më e reja nga gratë e familjes së famshme Kardashian-Jenner, është më shumë e fokusuar në fëmijët dhe biznesin e saj.
“Ajo nuk ka dëshirë të dalë shumë. Travis është e kundërta. Atij i pëlqen të kalojë kohë në ndeja. Ata definitivisht kanë fokusime të ndryshme”, ka shtuar burimi.
Burimi po ashtu ka thënë se lidhja mes tyre “nuk ka qenë asnjëherë e lehtë”.
Jenner dhe Scott janë në lidhje që nga viti 2017. Ata kanë dy fëmijë së bashku, vajzën Stormi Webster, 4 vjeç, dhe djalin i cili ka ardhur në jetë në shkurt të vitit 2022, por emrin e të cilit ende nuk e kanë bërë publik.
{gallery}
