Brad Pitt ka një interes të ri romantik për Ines de Ramon.
Një burim i afërt me 32-vjeçare zvicerane ka thënë për revistën “People” se ajo dhe Pitt, 58 vjeç, "janë lidhur për disa muaj".
De Ramon, i cila punon për markën e bizhuterive Anita Ko, u fotografua së bashku me aktorin fitues të “Oscarit” të dielën në Teatrin Orpheum në Los Anxhelos, ku morën pjesë në një koncert.
Sipas burimit, "Brad është me të vërtetë i dashuruar" me de Ramon, e cila u nda nga bashkëshorti i saj, ylli i "Vampire Diaries", Paul Wesley, në fillim të këtij viti.
"Ata u njohën përmes një shoqeje të përbashkët. Ajo është shumë e bukur", ka thënë burimi.
Brad Pitt Ines de Ramon
Ndërkaq, një burim i afërt me Pitt konfirmoi për “People” se të dy "kohët e fundit filluan të takoheshin", por shton se kjo “nuk është një marrëdhënie ekskluzive".
"Ines është e lezetshme, argëtuese dhe energjike. Ajo ka një personalitet të mrekullueshëm. Brad-it i pëlqen të kalojë kohë me të", ka thënë burimi.
Pitt dhe de Ramon u fotografuan të dielën së bashku me çiftin e martuar Cindy Craëford dhe Rande Gerber në prapaskenë të shfaqjes.
