Komediani Chris Rock nuk e ka komentuar direkt videon e kërkimfaljes nga aktori Will Smith, por ka vazhduar ta kthejë në shaka incidentin e famshëm nga ceremonia e Oscars kur u godit me shuplakë nga aktori teksa ishte në prezantim.
“Nëse të gjithë duan të jenë viktima, askush s’do t’i dëgjojë viktimat e vërteta”, ka thënë Rock në një event në Atlanta të premten në mbrëmje. “Madje edhe unë që u godita nga ‘Suge’ Smith... Dola në punë të nesërmen, kam fëmijë”, ka vazhduar ai me shaka, shkruan CNN.
Me Suge është raportuar se Rock i është referuar producentit Suge Knight që aktualisht është i burgosur.
Nuk ishte hera e parë që Rock bëri shaka me incidentin.
Megjithatë, komediani s’u mor me videon.
Smithi kishte goditur Rockun në ceremoninë e sivjetme të Oscars, pasi komediani bëri një shaka për bashkëshorten e Smithit, Jada Pinkett-Smith. Pas shuplakës, Smithi dha dorëheqje nga Akademia e Filmit. Nga akademia u përjashtua për 10 vjet.
