Kim Kardashian, një prej yjeve më të përfolura në mediat rozë, deklaroi se është e lodhshme dhe i vështirë kujdesi ndaj katër fëmijëve, për faktin se sipas saj, koha duhet rezervuar vetëm për ta.
Ajo deklaroi në një intervistë për revistën “People” të mërkurën se edhe në këtë lëmsh, ka diçka të bukur, ndonëse për vete nuk i del kohë të kujdeset mjaftueshëm. Kardashian u shpreh se tenton t’i ndajë 20 minuta kohë, por është e vështirë.
“Dikush gjithmonë ka nevojë për mua. Edhe nëse më bëhet masazh, fëmijët do të përpiqen të kërcejnë mbi tavolinë. Përpiqem të gjej kohë për veten time në mëngjes, para se të gjithë të ngrihen. Por, ka bukuri edhe në kaos”, deklaroi 41-vjeçarja.
Ajo potencoi se zgjohet në orën 6 për të ushtruar.
“Padyshim se ka raste kur jam e lodhur, veçanërisht si nënë, por e kam bërë prioritet. Dhe kjo nuk merr aq kohë sa mendoni”, shtoi Kardashian, duke përmendur se këtë situatë nuk do ta ndërronte me asgjë në botë.
Kim Kardashian, me ish-bashkëshortin Kanye West, kanë katër fëmijë, North, Chicago, Psalm dhe Saint West.
Në shkurt të 2021-s, Kim Kardashian i kërkoi divorcin reperit amerikan, pas shtatë vjetësh martesë.
© KOHA. Të gjitha të drejtat janë të rezervuara.
