Publiku e mirëpriti me brohoritje dhe duartrokitje aktoren, Pamela Anderson, e cila këtë të martë e shënoi debutimin në skenën e “Broadwayt”.
Për një kohë të caktuar, ish-ylli i serialit “Baywatch” do ta portretizojë rolin e Roxie Hartit, në mjuzikllin e famshëm “Chicago”, raportoi të mërkurën agjencia e lajmeve “AP”.
Një adhurues i shfaqjeve që inskenohen në “Broadway”, kishte blerë bileta me ta kuptuar që Andersoni do të performonte në skenë.
“Ky është një projekt i përkryer për të. Marrë parasysh se ajo nuk ka eksperiencë në vallëzim, realizatorët e shfaqjes definitivisht e kanë bërë të pamundurën që roli t’i përshtatet mirë. Dhe Pamela ishte spektakolare. E ka bërë një punë vërtet të mirë”.
Shfaqja “Chicago” e shënon 25-vjetorin e inskenimit në “Broadway”. Një tjetër adhurues i quajtur, David, tregoi se ka ardhur nga Maine vetëm për ta parë këtë shou dhe është ndarë i kënaqur me performancën e 54-vjeçares, Anderson.
“Mendoj se Pamela Anderson ishte fantastike në këtë rol. Ajo dukej, tingëllonte dhe vallëzonte shumë mirë. Mu duk një shfaqje e mrekullueshme”.
Anderson do të performojë për tetë javë në teatrin “Ambassador” në New York.
{gallery}
