Një padi tjetër është ngritur kundër aktorit Alec Baldwin dhe producentëve të filmit “Rust” nga një anëtar i grupit të xhirimit me pretendimin se në skenar nuk përmendej se do të kishte të shtëna. Sipas Hollywood Reporter, padia u ngrit të mërkurën në një gjykatë në Los Angeles nga Mamie Mitchell, e cila ishte përgjegjëse për skenarin e filmit.
Në padi përmenden Baldwini dhe producentët e filmit. Ngjarja e rëndë ndodhi me 21 tetor, ku kineastja Halina Hutchins vdiq pasi Baldwini qëlloi një armë, për të cilën besonte se ishte e sigurt. Megjithatë, arma kishte një plumb të vërtetë për arsye që mbeten të panjohura edhe sot e kësaj dite.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë padi theksohet se në skenar nuk thuhej se do të kishte të shtëna. Mitchell dhe avokatja e saj, Gloria Allred, pritet të mbajnë një konferencë shtypi në Los Angeles. Padia është e dyta që ngrihet për vrasjen. Autoritetet e Santa Fe janë ende duke hetuar rastin dhe nuk është ngritur asnjë kallëzim penal.
“Një kamera do të fokusohej në sytë e Baldwinit, njëra do të fokusohej në një njollë gjaku në shpatullën e Baldwinit dhe e treta do të përqendrohej në bustin e tij, ndërsa zbriste dorën deri te këllëfi dhe heq armën. Nuk përmendeshin në skenar të shtëna nga i pandehuri Baldwin apo ndonjë person tjetër”, thuhet në padi. /abcnews