Muzikanti sirian Omar Souleyman, performues i festivaleve botërore, u arrestua në Turqi mbi akuza për terrorizëm, pasi dyshohet se ka qenë i anëtarësuar në partinë e Punëtorëve të Kurdistanit.
Këngëtar dhe DJ, Souleyman u mor në mbajtje nga policia e cila ia kontrolli shtëpinë. Ai u bë i famshëm si muzikant në vendin e tij si performues dasmash dhe ka regjistruar mbi 500 albume të muzikës arabe dhe kurdë.
Ai u largua nga Siria pasi lufta civile shpërtheu, pas së cilës, këngët e tij të guximshme dhe të dashurisë e bënë yll ndërkombëtar. Kënga Warni Warni mori gati 95 milionë dëgjues në Youtube.
Djali i tij mohoi akuzat dhe se i ati të kishte ndonjë lidhje me politikën, shkruan Guardian.
Shumë njerëz në Turqi janë dënuar vitet e fundit për terrorizëm nën masat e ashpra të presidentit Recep Tayyip Erdogan për ndjekësit e dyshuar të Fethullah Gulenit, të cilin Ankaraja e fajëson për puçin e vitit 2016, dhe partia e Punëtorëve të Kurdistanit që konsiderohet organizatë terroristë nga Turqia, Britania, BE-ja dhe SHBA-ja.
© KOHA.
