Ylli i hitit “Video Games”, Lana Del Rey, në dhjetori të vitit të kaluar u fejua me Clayton Johnsonin, vetëm pas disa muajve lidhje. Por, tani po spekulohet se çifti ka vendosur të ndahet si pasojë e presionit të shkaktuar nga pandemia.
Besohet se pas kësaj ndarjeje për ta tejkaluar zemërthyerjen, këngëtarja 36-vjeçare ka vendosur t’i përkushtohet tërësisht muzikës.
+ 1
Një burim për gazetën “Sunday Mirror” ka deklaruar: “Ajo ka punuar më shumë përkushtim në albumin e saj të ri. Pandemia dhe vetizolimi i detyrueshëm fatkeqësisht ishte përvojë sfiduese për çiftin, prandaj ata kanë vendosur të ndahen”.
Ylli i hitit “Summertime Sadness” e konfirmoi lidhjen romantike me Johnsonin në gusht të vitit të kaluar, përmes një postimi në Instagram. Nga atëherë, çifti ka postuar vazhdimisht fotografi të njëri-tjetrit. Nga atëherë, Del Rey i ka mbyllur të gjitha rrjetet sociale për t’u fokusuar në muzikë. Përmes një mesazhi të fundit ajo u përshëndet me 20 milionë ndjekësit e saj në Instagram, duke i falënderuar për përkrahjen e vazhdueshme dhe duke u premtuar se ende e dashuron punën që e bënë dhe se do të vazhdojë të jetë e pranishme në jetët e tyre, përmes angazhimeve tjera.
Lidhja romantike e Lanas me ish të fejuarin, Clayton, erdhi disa muaj pasi këngëtarja e famshme i dha fund lidhjes me policin, Sean Larkin. Ai e kishte konfirmuar lajmin se çifti është ndarë në mars të 2020, duke thënë: “Aktualisht jemi vetëm miq të mirë. Ne vazhdojmë të flasim me njëri-tjetrin, por thjeshtë jemi shumë të angazhuar me projektet tona personale”.
Deri më tani, Lana Del Rey ka qenë shumë e rezervuar sa i përket jetës personale. Ajo është parë rrallë në publik me të dashurit e saj, dhe pavarësisht famës së madhe ka arritur të ketë lidhje larg vëmendjes së publikut dhe mediave.
“Blue Banisters” mbetet albumi i fundit i këngëtares i lansuar në tetor të këtij viti. Ky është albumi i tetë i incizuar në studio për këngëtaren, dhe vjen pas incizimit të lansuar në muajin mars me titull, “Chemtrails Over the Country Club”.
Ndër vite dhe me meritë të plotë, Lana u shndërruar në një prej artisteve më të veçanta dhe më fitimprurëse në tregun muzikor, e cila shquhet për hite të tilla si: “Born To Die”, “Blue Jeans”, “Summertime Sadness”, “High By The Beach” dhe të tjerë.
