Showbiz

Ariana Grande mezi pret që fansat ta shohin si anëtare e jurisë së shout “The Voice”

Foto: AP/Associated Press
Foto: AP/Associated Press
 

Megjithëse ende nuk kemi pasur rastin ta shohim Ariana Granden në “The Voice”, anëtarja më e re e garës së këndimit tashmë po ndihet shumë rehat me punën e saj të re.

Të hënën më 26 korrik, Grande i ndau me ndjekësit e saj në Instagram disa fotografi nga prapaskenat e këtij shou, përfshirë këtu një video promovuese të sezonit të 21-të të “The Voice”, të shoqëruara me një mesazh të ndjeshëm për stafin dhe kolegët e saj: “I adhuroj këta njerëz aq shumë dhe tashmë kam filluar të bëhem emocionale teksa brengosem si t’iu them lamtumirë të gjithëve, kur të vijë dita e finales së shout. Imagjinojeni, ende asgjë nuk është transmetuar nga ky sezon”, ka shkruar Grande.