Megjithëse ende nuk kemi pasur rastin ta shohim Ariana Granden në “The Voice”, anëtarja më e re e garës së këndimit tashmë po ndihet shumë rehat me punën e saj të re.
Të hënën më 26 korrik, Grande i ndau me ndjekësit e saj në Instagram disa fotografi nga prapaskenat e këtij shou, përfshirë këtu një video promovuese të sezonit të 21-të të “The Voice”, të shoqëruara me një mesazh të ndjeshëm për stafin dhe kolegët e saj: “I adhuroj këta njerëz aq shumë dhe tashmë kam filluar të bëhem emocionale teksa brengosem si t’iu them lamtumirë të gjithëve, kur të vijë dita e finales së shout. Imagjinojeni, ende asgjë nuk është transmetuar nga ky sezon”, ka shkruar Grande.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Ylli i njohur i muzikës do të jetë pjesë e panelit të “The Voice” krahas trajnerëve tjerë, Kelly Clarkson, John Legend dhe Blake Shelton.
Videoja e re promovuese e emisionit do të transmetohet gjatë ditës së sotme, me qëllim të paralajmërimit të premierës së sezonit të 21-të të shout muzikor “The Voice”, e cila zë vend më 20 shtator në kanalin “NBC”.
Më 15 maj të këtij viti, Ariana Grande u martua me të dashurin e saj Dalton Gomez, pas vetëm pesë muajsh fejesë. Dy javë më vonë, çifti kishte zgjedhur t’i ndajë me fansat disa momente nga dasma e tyre e fshehtë dhe intime, ku shfaqeshin tejet të lumtur dhe të dashuruar me njëri-tjetrin.
{gallery}